====== La mielo kaj pikilo ======

^Esperanta teksto|[[wpeo>Josef Kohen-Cedek]]|
^Tipo|traduko|
^Origina teksto|[[Naomi Sxemer]]|


===== Teksto =====

La mielon kaj pikilon
Kun dolcxec' kaj kun amar',
Gardu Di' filinon, filon,
Per la bona far'!

Gardu nian varman domon
Kun la pura akvo Di';
Cxiun revenantan homon
En lontan medi'!

//Refreno://

>Super tio, super cxio,
Gardu nin el la cxiel',
gardu, nia bona Dio
La amaron kun miel'.

>Volu ne elradikigi
La plantitan kun esper';
Lasu nin al hejm' navigi,
Al la bona nia ter'.

Gardu Dio hejman limon
Kun gxarden' kaj citadel',
Por eviti triston, timon
De milit-kruel'.

Gardu pokon de posedo,
Bebojn - lumon da mil-Volt',
Fruktojn sur la arb', sur bedo
Kaj de post rikolt'.

//Refreno//

Susuradas arb' pro ventoj,
Falas el alteco stel';
Kordezirojn de la sentoj
Fiksas nun Cxiel'.

Volu, Dio, gardi senton
De amato kaj amant';
Kun la ploro, la silenton,
Kun cxi tiu kant' .'

//Refreno//


{{tag>kanto litero_m hebrea tradukita}}