====== La nobla sciencisto ======

^Esperanta teksto|[[P. Th. Justesen]]|
^Tipo|traduko|
^Originala titolo|Naturens ædle Dyrker|
^Originala teksto|[[C. Hauch]]|

===== Teksto =====

La nobla sciencisto aspiras gloron ne,
velkontan dum fluo de l’ jararo.
Lin gvidas, lin altiras la lum' de l’ ide',
brilanta sur kosma alt-altaro,

Li tra dezertoj iras senlace kaj sen tim'.
Sxtormegoj neniel lin retenas,
En spiro de l’ poluso cxi tia pilgrim'
facile, volonte, gxoje penas.

Pratempaj fantomegoj en respektinda tomb' —
teruroj de l’ oceanprofundo —
la galaksi-mondaro en stelbrila pomp' —
abisma mister-vocxar-abundo —

rugxado rozpetala kaj najtingala kant’ —
farado de l’ kolombeta nesto —
flagrad' de l’ efemero, irado de l’ stel':
Efikoj al li de l’ mondmajesto!

Enigmo cxielstela! Li pensosolvas gxin.
La tempo! Al li neniu baro.
La fulmon li servigas: obeas gxi lin.
Vaporo lin portas tra la maro.

Subgrunde alttrezoroj trovigxas, or' kaj gem'
Abismojn en ter' li pens-trairas.
Li cxion fordonacas, forgesas sin mem.
Ideojn eternajn li sopiras:

Ideoj kiel cignoj flugantaj super mar',
mirigaj en cxiu part' de l’ mondo,
senmorta, cxiamjuna, cxiela pensar',
rezista al homforgesa ondo.


{{tag>kanto litero_n dana}}