====== La plej bela lingvo ======

^Muziko|[[Ibsen Poulsen]]|
^Esperanta teksto|[[Karl Vanselow]]|
^Tipo|nova teksto|

===== Teksto =====


Se sonus en konkursa rondo
al mi lauxvice tie cxi
la lingvoj de la tuta mondo,
la glorpremion donus mi
al Esperanto sen hezito
kun mia plenkonvinka pled':
Havigu lokon laux merito
al tiu sorcxa florbuked'!

Cxar el la lingvoj pleje bone
konataj per mirinda art’
en gxi kunigxis belkompone
de cxiu la plej placxa part'.
De la latina jen la fundo,
de la itala la belson'
kaj cxarmaj vortoj en abundo.
De l’ franca ege multa bon’.

De l’ angla jen la artikola
simpleco sen cerbum-turment',
kaj kara dono de la pola
la reguleco de l’ akcent’.
Jen mia amo kaj fiero,
jam ofte min ravinta tre:
Germana vortkunmet-libero
por cxiam nova vorto-kre'.

Kaj tiel plue, tiel plie, —
jes, mi ripetas kun plezur',
ke Esperanto prenis cxie
de cxio la plej bonan nur.
Al gxi pro tio donu lokon
en viaj koroj pli kaj pli
kaj multobligu mian vokon:
Plej bela lingvo estas gxi!


{{tag>kanto litero_p esperanto}}