====== La polvohomo meditas ======

^Muziko|József DINNYÉS|
^E-teksto|[[wpeo>Julio Baghy]]|
^MIDI|{{:muziko:la_polvohomo_meditas.mid}}|

Aperis en la sonkasedo //Al Venko!//, eldonita de Lingvo-Studio en 1986.

===== Teksto =====
{{ :muziknotoj:la_polvohomo_meditas.png}}
{{:bildoj:alvenko.jpg?150}}


Multfoje, se la Vivo ardas,
en amspegulo sin rigardas
kaj plantas en dezerto rozon,
pro sinador' forgesas pozon,
ebrie volas bruli, flami,
volupte heni, beste ami,
>saturas tiam min kompren':
naskigxis mi por amgehen'. (2x)

Multfoje, se la Vivo dignas,
per mejlosxtonoj vojon signas,
talpfosas sube, flugas agle,
el polvo levas sin mirakle,
frakasas, luktas, scias, kreas,
escepte sin mem — cxion neas,
>saturas tiam min kompren':
mi estas' — dia suveren'. (2x)

Multfoje se la Vivo cxarmas,
pro propraj sentoj milde larmas,
por taksi veran altvaloron
rigardas sian nudan koron
kaj nutras, helpas, gxojas, ridas
kaj altruiste sin dividas,
>saturas tiam min kompren':
mi estas la — cxiela ben'. (2x)

Multfoje se la Vivo bojas
perfide pri mortfalo gxojas,
en koto gruntas, stulte mutas,
senhonte jugxas, persekutas,
sankcias pekojn, legxojn gurdas,
sin kracxas, trompas, rabas, murdas,
>saturas tiam min kompren':
mi estas — vermo de ingven'. (2x)

La Vivo tiam en mi krizas,
dolorajn dubojn honte cxizas
kaj la jungita homa dio
farigxas stupo — pli nenio,
mi tiam volus masxon ligi,
sur sekan brancxon min pendigi
>kaj langmontrante moki vin,
vi, fie glora homdestin'. (2x)


{{tag>kanto litero_p kanto esperanto notoj midi akordoj}}