====== La rekruto ======
^Teksto|[[wpeo>Boris Vian]]|
^Muziko|[[wpeo>Boris Vian]]|
^E-teksto|[[wpeo>Georges Lagrange]]|
^Kantas|[[Jak Le Puil]]|

===== Teksto =====
Per posxto de hier'
Alvenis jxus leter'
Kaj mi pro gxi
Farigxis tute pala:
Cxar rekte diris gxi,
Ke mi prezentu min
Al la kazern'
De l’ urbo por eklern'.

Mi venis tien cxi,
Mi diris: «Estas mi,
Mi venis tuj,
Sed nun pri kio temas?»
Enlasis min pordist',
Mi petis kun insist'
Por vidi lin
Mem, kiu vokis min.

Jen mi en oficej'
Malbela sed kun segx',
Sed estis ja
La sekretariino
Kun placxa uniform';
Min logis sxia form':
Mi sentis min
Tuj cxe gxojokulmin'.

Sed estis kolonel'
Sidanta en fotel'
Kaj diris li:
«Vi venas kiucele?»
Respondis tial mi:
«Cxar oni vokis min,
Sinjor' Soldat',
Jen kial tiu fakt'».

Li diris: «Gardu vin!
Vi, kie kredas vin?
Mi vidas ja:
Vi estas kaprokapo;
Sidigxi antaux mi?
Mi ne toleros plu;
Tuj staru vi,
Aux metos vin al tru'».

Respondis mi sen krud':
«Mi estas nov-rekrut',
Ne 'stas ofend',
Ke konas ne l’ kutimojn
Cxar side estis vi,
Sidigxis ankaux mi,
Jen kial, jen
Mi agis tiel cxi».

Mi staris pro obe'
Sed tuj konfesis, ke
Allogas min
La sekretariino,
Kaj je kioma hor'
Finigxas sxia dejxor'
Cxu nov-soldat'
Liberas dum sabat'?

Li nigra pro koler'
Mienis kun sever',
Starigxis li
Kaj botis min postajxen,
Li vokis al helpant',
Amiko cxefsergxent',
Kaj li sen plu,
Min jxetis al la tru'.

Por mia reeduk',
Post mia miskondut'
Dum tuta tag'
Balaas mi fekejojn
Dimancxon gxis sabat'
Monaten post monat'
Rondiras nun
Senfina balaad'.

Vidante, ke soldat'
Marsxadas ja laux takt',
Mi pensas, ke
Mi estas sentauxgulo:
Pafil' ne logas min
Kaj mia kompani'
Min nomis tuj
Plej stulta nov-rekrut'.

Ripetas kolonel'
Ke por soldat-model'
'stas nur obe'
Al sagxaj superuloj.
La cxefsergxent' Duval'
Farigxos oficir',
Se vivos li
Gxis sia centa jar'.

Por kreski el la rang'
'stas nur unu komand':
«Labor’, obstin',
Ofer' kaj disciplino».
Se gxis kvardeka jar'
Mi zorgos pri latrin';
Vi kredu min:
Mi igxos general'!!

{{tag>kanto litero_r franca}}