====== La rompiĝanta ringeto ======

^Teksto|J. V. Eihendorff|
^Esperanta teksto|[[Chr. Pfeifer]]|

===== Teksto =====


En ombra valo turnas
muela rado sin.
Jen logxis mia kara —
sxi nun forlasis min.

Fidelon sxi promesis,
ringeton donis sxi;
fidelon sxi forgesis,
rompigxis ring' de mi.

Migradi mi dezirus
for, kiel muzikant',
kaj kie ajn mi irus,
resonus mia kant'.

Mi volus bataladi,
rajdante tra l’ kampar',
cxe l’ fajro dormkusxadi
dum nokt’ en la tendar'.

La rado plu rondiras,
en rev' auxskultas mi.
La morton mi sopiras,
kvieton donus gxi.


{{tag>kanto litero_r dana}}