====== La rugxuloj vokas ======

^Muziko|[[Otto W. De NOBEL]]|
^Esperanta teksto|[[B. RIJPSTRA]]|
^Tipo|traduko|
^Originala titolo|De Roden Roepen|
^Originala teksto|[[C. S. ADEMA v. SCHELTEMA]]|

===== Teksto =====

Al ni, infanoj de l’ nuntagoj,
Vi, suferantoj en mallum',
Nin helpu stari kontraux plagoj,
Rigardon al homeca lum'.
Ni estas gxiaj batalantoj,
Ni — gxia lauxtvokanta grup',
Ni estas gxiaj preparantoj,
Ni — gxia firma rugxa trup'.
>Antauxen, kamaradoj,
La flago flirtu en l’ aer'!
Kuragxu, pretaj por agadoj;
Liber'! Liber'!

Infanoj de l’ epoko nuna,
Vizagxon turnu al auxror'.
Por l’ ideal' de l’ celo kuna
Ne manku via kunlabor'!
Ni fajro kaj forgxantoj estas,
L' armilo kaj batalo — ni!
Rompantoj ni de l' nuno estas,
La tempon konstruadas ni!
>Antauxen, kamaradoj,
Vastigu la liberon vi;
Vi, decidemaj al luktadoj,
Kun ni! Kun ni!

Al ni, vi cxiuj, blindirante
Kaj trenigxante al neni';
Kunbataladu triumfante,
Rugxuloj sendas vok' al vi!
Ni kampo kaj la sulko estas,
Plugantoj kaj cxevalo — ni!
Semantoj ni de l’ greno estas
La mugxetanta greno ni.
>Antauxen, kamaradoj,
Haltigos nin ne ecx la cxel',
Levigxu flag' de l’ insultatoj,
Al cel'! Al cel'!


{{tag>kanto litero_r flandra laborsita}}