====== La sankta ideo ======

^Muziko|[[E. Windeballe]]|
^Esperanta teksto|[[S. K. Nielsen]]|
^Tipo|nova teksto|

===== Teksto =====


La sankta ideo de nia movado
simbolas por //ni idealon sur ter';//
gxi estas ligita per nedisrompebla
ligilo al nia komuna afer'.
Gxin kreis la Majstro el pura la koro,
kaj gxin ni akceptas kun gxojo kaj ver';
gxi estas kaj restas por cxiam la vojo
al bono, beleco kaj dauxra prosper'.

La sankta ideo de nia movado
simbolas //la pacon de sxtato al sxtat'.//
„Neniam plu estu milito sur tero!”
predikas gxi cxiam sur vojo kaj strat'.
Kanonojn, pafilojn, grenadojn kaj bombojn
ne plu oni uzu — sed en la estont'
ni rerenkontigxos el cxiuj mondpartoj
en paca, amika kaj kora la front'.

La sankta ideo de nia movado
simbolas //komprenon de lando al land';//
la lingvo ja estas mirinda rimedo
por interkompreno sur tero kaj strand'.
Ni ne al fremduloj nin sentas gxenataj
pro malegaleco de lingvo kaj ras',
cxar per Esperanto ni en harmonio
kunestas amike en granda amas'.

La sankta ideo de nia movado
simbolas //fratecon de homo al hom',//
cxar cxiuj la homoj ja estas gefratoj
egale la raso, koloro kaj nom'.
Gefratoj ni estas, kaj per nia lingvo
ni trovas komprenon en sudo kaj  nord',
la verda frataro etendas la manojn
trans limojn kaj transe de maro kaj bord'.

La sankta ideo de nia movado
simbolas //la amon de koro al kor’.//
Gxis tiu cxi tago malamo nin gvidis,
sed tiun malamon nun metos ni for.
De lando al lando, de homo al homo,
de koro al koro la amo en ver'
konstruas la pontojn, laux kiuj ni iras
al tempoj pli bonaj por homoj sur ter'.


{{tag>kanto litero_s esperanto}}