====== La sonĝo ======

^Esperanta teksto|[[wpeo>Karl VANSELOW]]|
^Tipo|nova teksto|

===== Teksto =====

Mi songxis: Post forlaso de la tero
Fantaziajxo mia igxis vero.
Min alvenintan cxe l’ cxiel-eniro
Salutis Petro per afabla diro
Kaj petis min, ke mi auxdigu kanton.
Fiera-kore lin demandis mi:
“Sinjoro Petro, cxu jam ankaux vi
Komprenas kaj parolas Esperanton?
Se gxin ankoraux vi ne lernis koni,
Volonte laux gxisnuna mia faro
Mi estas preta por instruon doni
Al vi kaj al la tuta angxelaro."

Kion parolis li? Jen la respondo:
"Ne plu necesas la instru' por ni.
La lingvon por la tuta homa mondo
Ni jam komprenas ankaux tie cxi.
Li, kiu ne plu vivas sur la tero,
Cxe ni li estas, li auxskultos vin.
Pri la modela lingvo de l’ espero
La kara Majstro mem instruis nin.
Bonvolu do gxojigi nin per kanto
En la cxiela lingvo Esperanto."


{{tag>kanto litero_s esperanto}}