====== La Velŝipo Magdalena ======
^Teksto |[[wpeo>William Auld]]|
^Muziko |[[Nanne KALMA]]|
^Kantas |[[Kajto]]|

===== Teksto =====
{{ youtube>7vxzSkG2pfE|muziko kun teksto}}
Sur la velsxipo "Magdalena"
La matenmangxo estas jena:
Bifsteko kun botelo plena -
Hej! la vivo dura!
Maristoj staras sur ferdek',
La mastro krias per lauxta blek':
"Mi pagos pluson sen domagx'
Se vi ne plendos dum vojagx'!"
"Ne, ne!", diras la maristoj bravaj,
"Ni preferas plendi ja! Ha!"

Sur "Magdalena" sxvitas plage
Cxiu maristo - li, - senblage,
Dejxoras ecx tri horojn tage -
Hej! la vivo dura!
Maristoj staras sur ferdek'
La mastro krias per lauxta blek':
"Mi pagos pluson kun plezur'
Por unu kroma horo nur!"
"Ne, ne!", diras la maristoj bravaj,
"Fakte ni laboras tro! Ho!"

Ne mankas rum', ne mankas vinoj,
Ni havas kargon de putinoj:
Por cxiu vir' po tri knabinoj
Hej! la vivo dura!
Maristoj staras sur ferdek'
La mastro krias per lauxta blek':
"Mi pagos pluson pli kaj plu
Se kontentigxos vi per du!"
"Ne, ne!", diras la maristoj bravaj,
"Ne suficxas trio da! Ha!"

{{tag>litero_v kanto esperanto filmo}}