====== Laŭrinda ======

^Muziko|(popola)|
^Esperanta teksto|[[:wiki:user:tuvalkin|António MARTINS-Tuválkin]]|
^Esperanta plenumo| |
^Tipo|traduko|
^Originala plenumo|Vitorino|
^Originala teksto|(popola)|
{{ youtube>P1zdgdJA3TU?medium}}
//Laurinda// estas sudportugalia romanco (//romance novelesco//; “//rimance//”) registrita unua-foje en 1962 en la Algarva montaro (//Alferce// MCQ) fare de etnografo / muzikologo Michel GIACOMETTI kaj publikigita en 1970 en kantaro //Antologia da Música Regional Portuguesa - V: n.º133// (kunaŭtoro: F. Lopes GRAÇA). Ĝin popularigis folkkantisto Vitorino (kun etaj diferencoj; la jena versio lias) en sia albumo //Romances//, en 1981. La jenan tradukon en esperanton faris en 2011.10-12 A. MARTINS-Tuválkin.

Eblas kanti aparte la kvar rolojn — tiujn de tentviro (♂), Laŭrinda (♀), rakontisto (✎), kaj kokredzo (︎♉).


===== Teksto =====

♂	Ho Laŭrinda, tre aminda, 
♂	ho Laŭrinda, tre aminda!
♂	Amus mi vin laŭ merito, 
♂	permesu al mi tranokti 
♂	ĉe l’ faltar’ de via lit’!

♀	Jes, mi volas, sinjorido!
♀	Jes, mi volas, sinjorido!
♀	Jes, ĉinokte sen prokrasto!
♀	Edzo mia, li forestos, 
♀	foirumas pri brutar’…

✎	Je la horo nokto-meza, 
✎	je la horo nokto-meza, 
✎	jen la edzo fruveninta:
✎	Jen frapas li sur la pordon, 
✎	senmoviĝas jen Laŭrinda.

︎♉	Oj!, ŝi eble malsanetas, 
︎♉	oj!, ŝi eble malsanetas, 
︎♉	aŭ min ŝi ne amas plu, 
︎♉	aŭ mallertas pri ŝlosilo
︎♉	palpe al serura tru’…

︎♉	Kies estas la ĉevalo?
︎♉	Kies estas la ĉevalo 
︎♉	nekonata ĉe la ringo?
♀	Ĝi vias, ho mia edzo, 
♀	via patro sendis ĝin!

︎♉	Kies estas ĉi ĉapelo?
︎♉	Kies estas ĉi ĉapelo 
︎♉	ornamita per puntaĵo?
♀	Ĝi vias, ho mia edzo, 
♀	Estas jen mia donac’!

︎♉	Kies estas ĉi anhelo?
︎♉	Kies estas ĉi anhelo, 
︎♉	Elsub mia lito kaŝe?
✎	Laŭrinda, tion aŭdinte,
✎	falis teren sen mispaŝ’…

︎♉	Ho Laŭrinda, ne aminda!
︎♉	Ho Laŭrinda, ne aminda!
︎♉	Indas ne la sveno kuŝe:
︎♉	Da kiom mi amis vin, ja, 
︎♉	restas nun neniom plu!

︎♉	Alvenigu fratinaron, 
︎♉	alvenigu fratinaron 
︎♉	vian sub pali’ ĉe min.
︎♉	Por ke tiu plej aminda 
︎♉	estu mia novedzin’…

{{tag>kanto litero_l popola portugala}}