====== Letero el kongreso ======

^Muziko|Amilcare Ponchielli|
^Teksto|Comelis Vreeswijk|
^E-teksto|[[wpeo>Franko Luin]]|
^Originalo|Brev från kolonien|

===== Teksto =====

Kara panjo, kara patro,
skribas mi el cxi teatro,
junulara cxefkongreso
kaj memoras vin kelkfoje pro neceso.

Logxas kvazaux en prizono.
Panjo sendu pli da mono!
Al mi restas nur cxemizo.
Cxion kroman TEJO prenis por kotizo.

Mi tre multe amuzigxas,
sed ne ofte enlitigxas,
cxar la knabo supralita
ne vekigxas nokte pro bezon’ subita.

Dormas mi dum la prelegoj.
Same faras la kolegoj,
se entute en la ejo
restas iu krom la prezidant’ de TEJO.

Mi jxus perdis kelkajn dentojn.
Vi ne havu timajn sentojn:
mi nur falis debalkone.
Ekde nun mi povas fajfi despli bone.

Kamarado kontraux troloj
havas multe da piloloj,
kelkajn rugxajn, kelkajn bluajn.
Mi preferas la pilolojn ambiguajn.

Mi ne timas la fantomojn,
cxar ni uzas la terpomojn
por bruligo de hejmbrando.
Cxiutage je gxi kreskas la demando.

La domestro nun forkuris,
cxar ni pompe inauxguris
per artfajro pulbazaron.
L' inauxguro disvastigxis en arbaron.

Foje estas la kornikoj,
en la lito nur pedikoj.
La plej bona kamarado
glutis sian posxtrancxilon post persvado.

Sekvos do operacio.
Jes, ja tio estis cxio.
Sendas kison, cxirkauxbrakon.
Nun mi kuros por bruligi la barakon.

{{tag>kanto litero_l kanto sveda}}