====== Lorelej ======

^Teksto|[[wpeo>H. HEINE]] (1822)|
^Muziko|Fr. SILCHER|
^E-teksto|[[wpeo>Leopold ELB]]|
^E-teksto 2|[[wpeo>L. L. ZAMENHOF]]|
^E-teksto 3|J. H. VINK|
^E-teksto 4|G. O. KARLSSON|
^Origina titolo|Ich weiss nicht, was soll es bedeuten|
^MIDI|{{:muziko:lorelej.mid}}|

===== Teksto =====
{{ :muziknotoj:lorelej.png}}


Ne scias mi, kial mi estas
malgaja en la kor';
antikva fabelo restas
por cxiam en memor'.

Vespero jam ekmalheligxas,
fluadas Rejn' en trankvil',
la supro de l' monto lumigxas
en vespersuna bril'.

Belega knabino jen tronas
kun ora juvelar'.
La belan vizagxon kronas
mirinde ora harar'.

Sxi uzas la oran kombilon
kaj dume kantas sxi,
sed havas strangan stilon
sorcxigan la melodi'.

Kaj sopiron egan eksentas
sxipisto dum vetur';
rifaron li ne priatentas,
cxar alten rigardas li nur.

Mi kredas, ke dronos do fine
sxipistro kun boat',
kaj tion kauxzis feine
la Loreleja kantad’.


===== Teksto 2 =====

Ne scias mi, kial subite
Malgxoj’ en la koro naksigxis,
El tempo jam enterigita
Legendo al mi revivigxis.

Jam malvarmetigxas l’aero,
La Rejno mallauxte babilas,
Per oro de l’sun en vespero
La supro de l’monto rebrilas.

Plej belan knabinon mi vidas:
En ora ornamo brilante,
Sur supro de l’monto sxi sidas,
La harojn mistere kombante.

La oran kombilon sxi movas
Kaj kantas tra l’pura aero,
Kaj forto miridna sin trovas
En tiu cxi kant’ de l’vespero.

Sxipet’ iras sur la rivero,
Sxipisto ektremis de l’kanto,
Kaj blinda por cxiu dangxero
Rigardas li al la kantado.

Ha, baldaux sxipisto la bela
Perdigxis sub l’akvoturnado;
Gxin Lorelej faris kruela,
Per sia mirinda kantado.

===== Teksto 3 =====

**La Lorelejo**

Ne scias mi kial subite,
Malgaja igxis mi,
Legendo malnova min logas,
Per sorcxa melodi'!
La cxielo jam iom grizigxas,
Kviete fluas la Rejn',
La supro de l' monto brilegas.
Cxar suno trafas gxin.

Belega virino sidadas
Jen supre sur montar.'
La ora kostumo briladas,
Flirtadas ora harar'!
Sxi kombas la oran hararon,
Per sia ora kombil',
Kaj dume sxi kantas kantadon:
Gxi vere sxajnas sorcxil'!

Sxipiston en la sxipeto
Sovagxe tusxas gxi,
Li tute ne gardas la rokojn,
Nur supren vidas li.
Mi kredas sxipisto kaj sxipo
Pereas en la ondar'
Kaj tion la Lorelej' faris
Per sia sorcxa kantar'.

===== Teksto 4 =====

**Lorelej**

Mi estas nun melankolia.
La kauxzo? Ne konas mi gxin.
Aperas legend' fantazia,
kun forto okupas gxi min.
Aero malvarma blovetas,
fluadas la Rejn' en trankvil'
Montsupro impone fajretas
en rugxa, vespera sunbril'.

Sur monto plej bela knabino
aperas en cxarma kolor'.
Simile al juna regxino
sxi sidas, kronita de or'.
Sxi sidas, la harojn kombante,
kaj kantas samtempe kun fort'.
La kanto eksonas sorcxante.
Gxi baldaux kondukas al mort'.

Sxipisto en eta boato
auxskultas al sorcxa virin'.
Ho ve, malfelicxa ravato!
Li vidas nenion, nur sxin.
Englutas ondar' levigxante
boaton kun vir' en la fin'.
Ho, Lorelej, bele kantante
kruele mortigis vi lin!



{{tag>kanto litero_L germana notoj midi}}