====== Magali ======

^Muziko|franca (Provenco) popolkanto|
^Teksto|Frederiko MISTRAL|
^E-teksto|[[wpeo>Lucien Jacques Thevenin]]|
^Originala titolo|O Magali|
^MIDI|{{:muziko:magali.mid}}|

Tiun kanton verkis Frederiko Mistral en la provenca lingvo, laŭ melodio aŭdita dum la juneco.
Ĝi estas en la verko __Mireio__.

En la unua strofo parolas junulo.
Ekde la dua, kaj en ĉiu strofo, komence parolas Magali, la junulino. La dua parto de la strofo estas respondo de la junulo. 
===== Teksto =====
{{ :muziknotoj:magali.png}}



Ho, Magali, amata mia
cxe la fenestro venu tuj,
vin cxarmu sono melodia 
de violono kaj tambur’.
Orsteloj brilas sur cxiel’,
ne blovas vento,
sed la stelaro kasxos 
sin vidante vin.

Mi ne atentos serenadon
pli ol la venton en brancxar'
kaj por farigxi rokangilo
mi iros al la blua mar'.
Ho, Magali, se estos vi
nagxanta fisxo,
do la fisxisto igxos mi
kaj kaptos vin.

Se tiel kapti vi pretendas
min per la jxeto de fisxhok',
birdo rapida mi farigxos
kaj tra kamparo flugos for.
Ho, Magali, se estos vi
fluganta birdo,
do la cxasisto igxos mi
kaj pelos vin.

Por birdoj se vi volas strecxi
retojn, kaptilojn kun perfid',
floro humila mi farigxos,
kasxos min en herbeja lit'.
Ho, Magali, se estos vi
flor' de herbejo,
do la rivero igxos mi,
inundos vin.

Se estas vi la klara fluo,
igxos mi do malpeza nub'
kaj kun rapido mi forkuros
al Amerik' sen ia dub'.
Ho, Magali, se rajdos vi
en la nubaro,
la mara vento estos mi
kaj portos vin.

Se sur la mar' vi min atingos
mi aliloken iros for.
De sun' fandanta la glacion
igxos mi do radi' el or',
Ho, Magali, se estos vi
brulanta flamo,
dika nebulo estos mi,
vualos vin.


{{tag>kanto litero_m kanto franca popola notoj midi}}