====== Marista rakonto ======

^Muziko|[[S. Ibsen Poulsen]]|
^Esperanta teksto|[[F. W. Buenting]]|
^Tipo|nova teksto|

===== Teksto =====

Dum vetero tre  malbona
en la plena ocean'
cxiuj estis sur ferdeko,
cxar minacis uragan'.
Kaj subite venis ondo;
forvisxigxis kamarad'.
Antaux ol ni povis helpi
falis li tra l’ balustrad',

//Rekantajo//
>Dank' al Zamenhof,
la glora elpensinto,
la tuta mondo povas nun
kompreni sin!

Per boato ni sercxadis
tutan tagon kun persist'
por al li — en kaz' de morto
doni tombon de marist'.
Sed en la noktmeza horo,
dum momento de trankvil',
auxdis ni misteran vocxon
kaj aperis li en bril',

//Rekantajxo//

Kaj li diris:  „Kamaradoj!
La sercxado cxesu nun,
cxar mi estas tre felicxa
en la lando de Neptun'.
Mi instruas Esperanton.
Diru ankaux al patrin',
ke mi estas nun la edzo
de tre cxarma marvirin'.

//Rekantajxo//

Kaj li tuj malsuprenigxis
al la nova hejmoland',
cxar plej kara al li estis
Esperanta propagand'.
Sed se iam sur marbordo
montros sin la marvirin',
vi parolu Esperante,
kaj sxi tuj komprenos vin.

//Rekantajxo//


{{tag>kanto litero_m esperanto}}