====== Matenmanĝo ======

^Teksto|[[jo petro danvy]]|
^Muziko|[[jxak le puil]]|
^Kantas|[[jxak le puil]]|

el: «//Promenade//»


===== Teksto =====


Pro nova sendhorar',
Ekde pasinta jar',
Apenaux el la lit'
Funkcias televid'...
Jam en la frumaten'
Jen la informbulten':
Traktata ratifik',
Plej nova enciklik';

//Refreno://
>Marmelado, cxokolado,
>buterpan', marcipano,
>kafotaso, laktoglaso,
>ananas' kaj kolbas'

Matronoj sen kompat',
Batadis sin per pat';
Sennoma vigla klik';
Trikistinara strik'...
Varias la dolar';
Malvarmo kaj nubar';
De kantist' intervju'...
Post horo rendevu'...

//Refreno//

Jen nun felieton’,
Tutcerte el Uson'.
Alloga blondulin'
Promenas tra Bruklin',
Kun sako en la man'
Lauxlonge de l' ekran'.
Jen li, jen sxi, kaj am'.
Minuto de reklam'.

//Refreno//

Komplete blanka mond'
Dank' al lesiva font';
Somera amindum'
Pro tauxga la macxgum'...
Tre luksa atmosfer'
Pro necesej-paper';
Plej snoba la arom';
La suko de terpom'.

//Refreno//

La brak-al-braka par'
Promenas sur rempar',
Kaj malaperas sun'
Malantaux fora dun'.
La viv' per televid'
Farigxus paradiz'
Sen la menci' de l' hor'
Por iri al labor'...


{{tag>kanto litero_m kasedo}}