====== Mi bezonus amikon ======

^Teksto/Muziko|Antonello VENDITTI|
^E-teksto|[[Pier Luigi CINQUANTINI]]|

Origina teksto: **Ci vorrebbe un amico**

===== Teksto =====


Mia viv' kun vi similis tre al veto
en kiu gajnis vi, finigxis la dueto.
Sed se pensas mi ke amo estas doni elprofunde
en nia historio estas mi iranta funden

Mi bezonus amikon por forigi pri vi l'memoron
mi bezonus amikon por forgesi la doloron
mi bezonus amikon cxiam cxe mia flanko
mi bezonus amikon por mildigi vian mankon

Amo mallogika amo amo senmedita
vi, malgraux mia ploro, jam estas pardonita
kaj se povus vi pardoni min por mi estus konsolo
se en cxi nokto frida vi dirus nur parolon.

Mi bezonus amikon por forigi pri vi l'memoron
mi bezonus amikon por forgesi la doloron
mi bezonus amikon cxiam cxe mia flanko
mi bezonus amikon por mildigi vian mankon

Mi bezonus amikon por forigi pri vi l'memoron
mi bezonus amikon por forgesi la doloron
mi bezonus amikon cxiam cxe mia flanko
mi bezonus amikon por mildigi vian mankon

Mia viv' kun vi similis tre al veto
la ludo estis riska, ne eblis la retreto
sed cxu pro l'magia nokto aux pro mia emocio
jen mi cxe via pordo en sol' kun iluzio

Mi bezonus amikon por forigi pri vi l'memoron
mi bezonus amikon por forgesi la doloron
mi bezonus amikon cxiam cxe mia flanko
mi bezonus amikon por mildigi vian mankon

{{tag>kanto litero_m itala}}