====== Mi Sopiras ======
//Vortoj kaj muziko de [[Jxomart kaj Natasxa]].//

===== Teksto =====
Mi sopiras kiam vi forestas 
Mi malbonas kiam vi apudas 
Ie restis niaj gajaj festoj 
Kiel hela kaj foira budo. 

//Refreno://
>Cxu rimarkis vi ke malaperis
>Niaj sentoj? Nur kutimoj restis.
>Nur malnovaj kantoj en kajero. 
>Nur leteroj varmaj kaj modestaj.
 
>Ni akiris multajn gravajn ajxojn 
>Cxu memoras ni por kiu celo? 
>Ni atingis altan vivetagxon 
>Sed ne hejmon havas ni, hotelon. 

Vi silentas, vi senvorta estas 
Nur rideto la vizagxon ludas. 
Cxu sopiras vi se mi forestas? 
Cxu malbonas kiam mi apudas? 

//Refreno, 2-foje//

//Cxu rimarkis vi ke malaperis niaj sentoj?// (3-foje)
{{tag>litero_m kanto}}