====== Mia Normanujo ======

^Muziko/Teksto|Frédéric Bérat|
^E-teksto|[[wpeo>Lucien Thèvenin]]|
^E-teksto|[[wpeo>A. Ŝefer]]|
^Origina titolo|Ma Normandie|
^MIDI|{{:muziko:mia_normanujo.mid}}|


===== Teksto =====
{{ :muziknotoj:mia_normanujo.png}}
{{youtube>CLLpisLPD2Q}}

Je renaskigxo de l’espero
kaj kiam vintro estas for 
en franca dolcxo de aero
dum brilas la sunluma or’.
Dum reverdigxas la naturo 
kaj de hirund’ regxojas kri’
Min logas mia Normanujo, 
en tiu lando ja naskigxis mi.

Mi vidis monton helvetujan
kun lignodom' kaj glaciar'
kaj la pejzagxon italujan
kun bark' sur venecia mar'.
Al cxiu hejmo jen saluto,
neniun gxin meritas pli
ol mia bela Normanujo,
en tiu lando ja naskigxis mi.

Dum vivo venas la momento,
en kiu revo flugas for
kaj la animo en silento
dedicxas sin al rememor'.
Se tiam mia laca muzo
amkantojn lasas for de si,
reiros mi al Normanujo,
en tiu lando ja naskigxis mi.

===== Teksto 2 =====

**Ho Normandi'**

Ho, cxe l’ reven’ de la printempo
Post vintra frost’ kaj malvarmec’
En mia bela franca lando
La suno brilas en helec’.
Ho, kiam cxio reverdigxas,
La hirundar’ al Normandi’
Revenas, - dum mi malgxojigxas,
Naskigxolando kara, nur pro vi!

Mi konas Svislandeton belan
Kun gxia negxomontcxenar',
En Italuj’ cxielon bluan,
Venizon kun la gondolar’,
Sed vidis landon mi nenie
Similan al la Nomandi';
Felicxa mi nur estas tie
En vi, naskigxolando, nur en vi!

En cxiun vivon venas horo,
En kiu cxesas la revad';
Bezonas tiam cxiu koro
Konsolon per la memorad’.
Se cxesos mia kantinspiro,
Mi venos tuj, ho Normandi’,
Al vi, pro mia korsopiro.
Naskigxolando, kara estas vi!


{{tag>kanto litero_m litero_h kanto franca notoj midi filmo}}