====== Mia Propra Trajno ======
//Kantas [[Kajto]], teksto kaj muziko de [[Nanne KALMA]].//

===== Teksto =====

//Refreno://
>En mia trajno, zuff!
>mi rapidegas tra la land'
>kaj la sonojn de la masxino
>superbruas mia kant'
>cxiun semajnon, zuff!
>vendrede tuj post la labor'
>mi vekas la lokomotivon
>kaj baldaux poste mi iras for

Kiel masxinisto
mi decidas pri la rapidec'
mi elektas la destinon
mi responsas pri la sekurec'
mi mem estas la konduktoro
en tiu cxi trajnet'
do, kiel pasagxero
mi vojagxas sen bilet'
kelkfoje trompkasxene
mi veturas sur la cxefaj trakoj
mi gxuas kiam nur por mi
mallevigxas barilbrakoj
de la homoj atendantaj
la vizagxoj min amuzas
do gaje kaj triumfe
mi al ili svingsalutas

>//Refreno//

Sur ponto tra tunelo
apud abismo aux ravin'
mi sxatas la montaron
la cirkonstancoj ne timigas min
descendas kaj supreniras
mi deklivojn kun bravuro
kelkfoje la alarmobremson mi altiras
por plezuro
vespere por ripozi
mi sercxas flanktraketon
la lastaj sunradioj
nun tiklas la monteton
mi tranoktas sub la arboj
kun la birdoj mi vekigxas
kaj frumatene la lokomo...
denove ekmovigxas
{{tag>litero_m kanto}}