====== Miela Obsedo ======

^Esperanta plenumo|[[Platano]], [[Diablo]], [[Carina]]|
^Esperanta teksto|[[Platano]]|
^Muziko|[[Diablo]]|
^Tipo|nova teksto|

ISRC: FR-3T0-11-00030
Vinilkosmo © 2011
Muziko: Huby ROMERO ([[Diablo]]).
Teksto: Cyrille POULLET ([[Platano]]).
Rekantaĵo: [[Carina]] GERLACH.

===== Teksto =====
//Refreno://
>Jam delonge mi devus ĉesi 
>Provas mi malkonekti
>Kial ne povas forgesi 
>Inter vi kaj viv’ elekti

//Platano://
Sonĝoj foriris al abrupta realeco
Fortranĉas flugilojn de viro je alteco
Alvenis vangofrapo dum mi atendis kareson
Kaj nun mi paŝas sen zorgi pri adreso
Temp' fluas, neni’ ŝanĝiĝas krom sezonoj
Ŝatus forflugi
Mediti ĝis liber’ de l’ konoj
Ŝtuparon grimpas mi, ĉiuj tagoj estas samaj
Ĉiuj paroj kisas, mi envias ĝis malsano

Kaj mi ne serĉas plendon aŭ eĉ komprenemon
Nova leter’ al rubuj', vanas mi kaj miaj poemoj
Sukeras morto mia, ĉar mielas la obsedo
Sciu, kara, mortas mi pro mank’ de via rideto

>//Refreno//

Tro da tristaj vortoj kuŝas sur malnova kajero
Malsato manĝis rostitan koron de hieraŭ
Eble mi jam devus forigi vin de mia memoro
Se cerbo volas, ne eblas ĉiam por la koro
Naiva vir’ vagas kiel ŝip’ je derivo
Kiel venki eĉ etan deklivon sen motivo
Kaj do? Kion fari krom paŝi kontraŭ la vento
Memoro de lasta tango, larmo sur mia vango

>//Refreno//

===== Eksteraj ligoj =====
* https://www.vinilkosmo-mp3.com/eo/kompiloj/7-hhk2-172/7-hhk2-hiphopa-kompilo-volumo-2/04-miela-obsedo-hhk2-platano-diablo-carina-889-detail.html — Ligilo por aĉeti la kanton ĉe Vinilkosmo
* https://www.deezer.com/en/track/65763879 — Ligilo ĉe Deezer

{{tag>kanto litero_m}}