====== Migrula kanto ======

^Esperanta teksto|[[A. v. D. STARRE]]|
^Tipo|traduko|
^Originala titolo|Hoog op de gele wagen|

===== Teksto =====


Migras tra kampoj, valoj
Sur veturilo mi.
Trotas la vircxevaloj,
Sonas la kornmelodi'.
Ho! kiel bele sin movas:
Arboj, riveroj, herbej'.
/: Mi preskaux foriri ne povas,
Sed, preterpasas. Ho ve! :/

En vilagxetoj cxarmaj, 
Auxdas la fluton mi.
Dancas geknaboj gajaj, 
Cxirkaux majesta la tili'.
Vento petole kunfestas; 
Kanton forblovas. Juhej!
/: Ho! kiom felicxa mi estas!
Sed, preterpasas. Ho ve! :/

Zorgas por la cxevaloj, 
Bona kocxer', kun rapid'.
Mastro kun plenpokaloj, 
Logas al rea vizit'.
Min alridetas knabino, 
Tra la fenestra rozej'
/: Ne sxatas mi pensi pri fino,
Sed, preterpasas. Ho ve!:/

Iam en krepdrapiro 
Pasas la diligxenc'.
Estas la finrondiro. 
Trotas cxevaloj en kadenc'.
Estas finita la sorto, 
Nun ne plu helpas refut';
/: Jam vokis ordone la morto,
Do nun, por cxiam: Salut'! :/


{{tag>kanto litero_m flandra}}