====== Mondo de l' libroj ======

^Teksto|Thøger Larsen|
^Esperanta teksto|[[wpeo>Poul Thorsen]]|

===== Teksto =====

Mondo l’ libroj estas ora stoko
kun mirindajxoj ekster temp' kaj loko.
Kostaj trezoroj kusxas en abundo
sur gxia fundo.

Bindojn antikvajn bukoj bril-ornamas,
sur la folioj dauxre fajroj flamas.
Skribo de manoj, kiujn tomb' polvigas
dauxre instigas.

Floroj el tempoj ekster la imagoj
dauxre odoras de someraj tagoj.
Morta la dolcxo, kiun vi malligas,
vin felicxigas.

Gxojoj, afliktoj al la nun' koncerne
en la volumoj vivas gxiseterne,
cxiam pretecaj igxi laux ordonoj
vortoj kaj sonoj.

Multaj kapabloj, scioj plej valoraj
per la silento libra estos oraj.
Al viaj nepoj libraj la konsiloj
estos flugiloj.

Gardu ni bone la hered-trezorojn,
gardu ni de la nuna temp' valorojn.
Dauxru rikolto de kultur' kaj scioj
sur la folioj.


{{tag>kanto litero_m dana}}