====== Morgaŭ mi sur fremda voj’ ======


^E-teksto|[[wpeo>Zanoni]]|
^Origina titolo|Morgen muss ich fort von hier|

Notoj: \\  Germana popolkanto, konata de 1690, \\  esperante ĉe Friedrich Pillath, Das deutsche Lied in Esperanto, Berlin und Dresden 1922, p. 30-31

===== Teksto =====


Morgaux mi sur fremda voj'
Kun valizo iros;
Ho, knabin' de mia gxoj',
Cxu vi min sopiros?
Mi fidele amis vin
Sen mezuro kaj sen fin':
/: Morgaux mi foriros. :/

Forte dauxras la ligil'
De la amikeco;
Ne ekzistas korazil'
De pli bela speco:
Granda estas la dolor',
Kiam la amata kor'
/: En fremdlandon migras. :/

Cxu kunvenos iam ni,
Estas sortdemando.
Malgxojege vivos mi
En la fremda lando.
Do, se mi cxagrenis vin,
Gxin forgesu, karulin',
/: Cxar mi eble mortos. :/

Ofte kisos vin ventet'
Per dolcxeta spiro;
Pensu: estas amsonet',
Kanto de l’sopiro.
Mil kisetojn sendos mi;
Cxiu estu ovaci';
/: Cxar mi vin memoras. :/

{{tag>kanto litero_m germana popola}}