====== Nekonkreta homo ======

^Teksto kaj muziko|[[Mihxail Povorin]]|

===== Teksto =====
Super negxa ebeno de nuboj 
Jam rapidas argxenta avi', 
Por ke mi, forgesinte pri duboj, 
Venu baldaux al vi. 
Tion strebas mi cxiuferie, 
Kaj la filmo de l' viv' multserie 
Ripetigxas. Do, far' de mi prie 
Estu nova verkita lini'.

//Refreno://
>Hom' nekonkreta, 
>Kie vagas soife vi tra la dezert', 
>Lampir' sekreta, 
>Lumo sorcxa en nokto por la vivocert'? 
>Venu do, longas tro 
>La soleco, anima vakuo, 
>Vojsinuo kaj sortambiguo. 
>Mi lacigxis, mi tute ne estas hero'.

Ne trovinte vin perdi? Domagxe. 
Cxu do estas por tio merit'? 
Mi la faton atakis kuragxe, 
Forgesante pri l' rit'. 
Min penetris rigardoj misteraj 
De profundaj okuloj sinceraj, 
Sed pr gxojoj edenaj surteraj 
Eble mankis la spert' kaj sprit'.

>//Refreno//

Super negxa ebeno de nuboj 
Jam rapidas argxenta avi', 
Por ke mi, forgesinte pri duboj, 
Venu baldaux al vi. 
Mi trasercxis da lokoj tre multe, 
Agis ofte prudente kaj stulte, 
Sed ne scias mi tamen rezulte, 
Kie trovos felicxon mi...

>//Refreno//

===== Videoj =====
[[http://www.youtube.com/watch?v=Hg53PY9NtkY|"Nekonkreta homo" en Youtube kun subtekstoj en Esperanto]]

[[http://www.youtube.com/watch?v=2nRMHjNed3g|"Nekonkreta homo" en Youtube kun subtekstoj en la rusa lingvo]]

===== MIDI-doeiero =====
{{:nekonkreta_homo.mid|}}

{{tag>kanto litero_n esperanto barda}}