====== Nenio povas restadi ======

^Auxtoro|August von Kotzebue (1802)|
^E-teksto|[[wpeo>J. W. Schilde]]|
^Origina titolo|Es kann ja nicht immer so bleiben|



===== Teksto =====



Nenio povas restadi
Konstanta en nia mond',
La morto alternas kun vivo;
/: Jen cxiam la sama rakont'. :/

Kunvivis gajaj la homoj
Plezure antaux ni.
Mi levas la plenan pokalon :
/: „Pasintaj fratoj al vi!" :/

Samgaje ankaux kunvivos
La homoj sur nia ter',
Post kiam delonge farigxis
/: Ni cindro kaj polver'. :/

Ni sidas agrable cxe vino
En societema kunven',
Ke cxiam ja povu ni gxui
/: Je tiu cxi tera festen’! :/

Cxar cxiam estas rompata
De l’vivo bela akord', —
Cxar tiu cxi migras al sudo,
/: Kaj tiun revokas la nord': — :/

Ho, tial bonuzu la tagon!
Gxin kantas antikva poem';
Ni sidas cxe vin' kaj ripetas
En hxoro: „Ho //carpe diem!”//((//carpe diem// = bonuzu la tagon))


{{tag>kanto litero_n germana}}