====== Ni laboru — ======

^Muziko|melodio de: Hr. Peder kasted' Runer over Spange|
^Esperanta teksto|[[H. E. Jensen]]|
^Tipo|nova teksto|

===== Teksto =====


Ni sidas kune en agrabla rondo,
geanoj de la Esperanta mondo;
ni volas nin fortigi por nia karlabor',
ni volas nin amuzi; cxagreno restu for.

//Rekantajxo://
>Ni laboru por Esperanto,
cxarma lingvo kaj pacperanto.
Vivu gxi!

La mondo estas bela ja kaj granda;
necesas tamen lingvo Esperanta.
Por cxia kunlaboro necesas komprenil';
la lingvo estas grava, necesa kontaktil'

//Rekantajxo//

Okazas ofte, ke cxe mondkongreso
forflugas sagxaj vortoj sen impreso.
Tri lingvojn jam balbutas la klera kongresan';
kaj tamen lin komprenas nur — hazarda samlandan'!

//Rekantajxo//

Se iros ni kun nia Esperanto,
ni cxiulande estos bonvenanto;
amiko do ni estos al cxiu verdstelan',
egale cxu li estas ja Germano aux Japan'.

//Rekantajxo//

Promesu ni al samideanaro,
ke ne lacigxos ni en vigla faro;
por paco kaj homeco, progreso kaj util'
la Majstra verko estas ja la plej mirinda il'.


{{tag>kanto litero_n esperanto}}