====== Ni Sxangxu Venton ======
//Teksto kaj muziko de [[Grigorij AROSEV]], 18.06.99//

===== Teksto ===== 
Nun
vi
tenas en mano
Tiun cxi libron, mia infano.
Gxian kovrilon
ornamas similo
De stranga antikva ventomontrilo.

Ventomontrilo
Ventomontrilo
Ventomontrilo celas okcidenten
Hundoj altiras
predon denten, denten
Sxtonoj kredas bebajn fabelojn
Suno obsedas senpovajn stelojn

Lernu kernon: jaro post jar'
Disflugas for en la venta cxar'
Ni sxangxu venton
Ni sxangxu venton
Veloj en strecxo kaj mastoj en knar'
Sxipo krevos sur la rokar'
Ni sxangxu venton
Ni sxangxu venton 

Ventomontrilo
Ventomontrilo
Ventomontrilo pikas mian koron
Cxiu horlogx'
indikas poron, poron
Gxustan tempon turni la pagxon
Kaj ensucxi la mondan sagxon

Inspiroj, esperoj, sed pala destin' -
La lipoj kisas matene ne vi
Ni sxangxu venton
Ni sxangxu venton 
Cxion klarigas lasta lini'
Cxiun instigas vorto "neni'"
Ni sxangxu venton
Ni sxangxu venton 

Nun
vi
tenas en mano
Tiun cxi libron, mia infano.
Gxian kovrilon
ornamas similo
De stranga antikva ventomontrilo.

Kaj allogas vian atenton
De gxiaj pagxoj flustra susur'
Vi povas diveni nenion - nur
"Ni sxangxu venton...
Ni sxangxu venton..."
{{tag>litero_n kanto}}