====== Ni veturas en Moskvon ======
^E-teksto|[[wpeo>Mikaelo_Bronŝtejn|Mikaelo Bronsxtejn]]|

===== Teksto =====
Ah, malordo, malordo, malordo!
Ah, terura, terura, terura!
La arogajn esperantistojn
Devas ni tuj ordigi nepre.
Ni, por fondi la Asocion
Tuj kunvoku noblan socion!
Cxu inviti esperantistojn?
— Kelkajn — memkompreneble!
>/: Kamarado Berjoza :/
/: Estos tre furioza :/
Li al Tihxvin ne donis agnoskon.
/: Min renkontos kolere:/
/: Min demandos: - Cxu vere? :/
Tamen, jes! Mi veturas en Moskvon.

Unu ulo en sxtata posteno
Al mi diris kun grava mieno:
— Al rivero ecx milon da homoj
Rajtas inviti vi persone.
En ASE — alia afero:
Estas bezonata papero
Kun subskriboj de referento cxefo, subcxefo, komerca agento, estro, vicestro, iu docento, ankaux kun sekretaria konsento — jen kiel bone!
>/: Oni diras, en ASE :/
/: Vivos ni ekstraklase :/
Do, ne decas mallevi la voston.
/: La movad' malrapida :/
/: Dauxros sub ligna gvido :/
Tamen, jes! Ni veturas en Moskvon.

Diris mi al la kamarado:
— Bazo jen — junulara movado!
La konferencoj, fakoj, tendaroj, -
Endas plej bonan konservi, cxu ne?
Li respondis al mi kun emfazo:
— Tute ne tusxas nin via bazo!
Havas ni propran, jen — Arolovicx, Tokarev, Berjoza, Isajev, Vulfovicx, Samodaj, Irina kaj A. Goncxarovicx
— Sed, Gakalenko kaj Koganovicx?
— Ili kolektu sian laboron, iru al rubajxacxetejo kaj ricevu bonegan libron de la fama franca verkisto A. Dumas,
Tiel pli oportune.
>/: Cxu ni zorgu, ke nia :/
/: Estu la Asocio :/
Aux ni pace enrampu la boskon?
/: Ne insultu, bonvolu, :/
/: La kanteton petolan :/
Tamen, jes! Ni veturas en Moskvon.

{{tag>kanto litero_n esperanto }}