====== Nia lingvo de l' esper' ======

^Muziko|[[H. Ditzel]]|
^Esperanta teksto|[[Karl Vanselow]]|
^Tipo|nova teksto|

===== Teksto =====


Tra la mondaj malproksimoj
sonas voko pli kaj pli,
muroj, baroj, landaj limoj
ne ekzistas kontraux gxi,
Ne la glavon gxi admonas:
Amon, pacon en liber',
gxojon kaj felicxon donas
nia lingvo de l’ esper'.

Voku, lingvo de l’ espero,
plu kaj plu de kor' al kor'!
Ni vin sekvas kun fiero,
kun fidelo kaj fervor'.
Brilu, brilu, verda stelo,
super landoj, super mar',
kaj konduku al la celo
nin tra nokto kaj nubar'!

Dio, helpu nin kaj donu,
ke la revo igxu ver'!
Kara lingvo, sonu, sonu
cxie, cxie sur la ter'!
Verda stelo, kondukanto,
radiegu pli kaj pli!
Vivu, vivu Esperanto,
en eterno vivu gxi!


{{tag>kanto litero_n esperanto}}