====== Norde de la nordpolusa cirklo ======

^Muziko|[[E. Windeballe]]|
^Esperanta teksto|[[Tiberio Morariu]]|

===== Teksto =====

Cxu ekzistas plia puno
ol foresto de la suno
dum tagmeza hor'?
Kun la lasta radiero
malaperas vivespero,
gajo flugas for.

Sed alvenas jam vespero
nun kun sia arktmistero.
Brilas norda lum'.
Cxe fersxtona mont' Kiruna,
arbarrando grizebruna,
dancas ora zum'.

Plumbopeze premas sento
de malfrua, vana pento:
flugis for somer'.
Fortonigxis multaj farboj.
Senfolie staras arboj,
frostas nuda ter'.

Plenumigxas kora pregxo:
sxirmodone falas negxo,
blankas la natur'.
Milkolore nordlum' brilas.
Sur pinarba pinto trilas
vintra trubadur'.


{{tag>kanto litero_n esperanto}}