====== Nova espero ======

^Muziko|melodio de: La Espero|
^Esperanta teksto|[[S. DRIAGIN]]|
^Tipo|adapto|

===== Teksto =====


En la mondo blovas nova vento.
Tra la mondo iras forta voko.
En la kantoj de la rugxa sento
Nun de loko flugu gxi al loko!
Vokas gxi al glavo kaj milito
Laboristojn nun de l' tuta tero!
Al proleta klaso turmentita
Gxi promesas pacon kaj liberon.

Sub standardo rugxa de ribelo
Kolektigxas fortaj batalantoj,
Kaj rapide iras al la celo
Kun bataloj kaj kun rugxaj kantoj.
Forte staris muroj de miljaroj
Inter laboristoj dividitaj ...
Sed dissaltos la obstinaj baroj
Per komuna lingvo disbatitaj.

Sur la forta klasa fundamento,
Helpe de la lingvo Esperanto,
Laboristoj igxos en konsento
Unu granda rondo batalanta.
Niaj bravaj fortaj kamaradoj
En batalo sanga ne lacigxos,
Gxis la cxenoj de la perfortado
Por liber' eterna disrompigxos.


{{tag>kanto litero_n esperanto}}