====== Novembra Spleno ======
//Kantas [[Gxanfranko Gxulio]]//

===== Teksto =====
Griza mateno blovas sur siajn manojn.
Dormemaj auxtoj rampas tra la vilagxo.
Per skarpo malpura volvas vintra pejzagxo
sian vizagxon, kaj kracxas sur cxies planojn.

Arboskeletoj pingligxis al friso cxiela;
en la gxardeno, klerika merlo promenas
kun manoj subbasken sxovitaj. Sin dispremas
kontraux fenestron mia spiro degela.

Glaciepoko alrampas; baldaux nin cxasos
uroj tra blanka dezerto de negxaj dunoj;
sub la malvarma feblo de distaj sunoj
ni trolojn timos, kaj klanojn najbarajn frakasos.



{{tag>litero_n kanto}}