====== Okazo Dum La Censo ======
//Auxtoras [[Mikaelo BRONSxTEJN]], datita de oktobro 2002.//

===== Teksto =====
Verda stelo iom palas.
Censo dauxras. Rublo falas.
Do, registru en la listo:
Estas mi esperantisto!

Frauxlineto - registranto
milde pepas: "Jen demando:
Kie skribi en la listo:
"Estas li esperantisto!"?

Frauxlineto, mi kun deco
jxuras pri l' civitaneco!
Skribu, kara, kun persisto:
"Civitan' - esperantisto!"

Poste pensas mi kun peno
pri la etna aparteno,
Kaj registras kun insisto:
"Naciec' - esperantisto!"<

Vica punkto simpatia -
pri l' gepatra lingvo mia.
Ja videblas ecx el disto:
Estas mi esperantisto!

Sekvas punktoj tute glataj
pri la lingvoj posedataj. 
Skribu, skribu vi sen tristo:
"Estas li esperantisto!"

En la list' demandoj multas...
Tiu censo plene stultas!
Skribu cxie en la listo:
"Estas li esperantisto!"

La frauxlinjo jam sen miro
sercxas vojon por eliro.
De-post pord' auxdeblas moto:
"Ja li estas idioto!"
{{tag>litero_o kanto}}