====== Panjo, tag' foriras ======

^Esperanta teksto|[[H. P. N.]]|
^Originala titolo|Solen er saa rød, Mor|
^Originala teksto|[[Harald Bergstedt]]|

===== Teksto =====

Panjo, tag' foriras.
Cxiel' rugxigxas nun;
Bonan Nokton diras
Kaj mortas jen la sun'.
Vulpo iras en malhel',
Cxu sxlosis vi, patrin'?
Jen venu al la litpanel'
Kaj kantu dormen min.

Panjo, cxu ne limo
Ekzistas de l’ cxiel'?
Jen en malproksimo
Briletas klara stel'.
Eble knabo tie nun
Rigardas tien cxi.
Cxu nun li enlitigas sin
Kaj dormas kiel mi?

Panjo, nin cxirkauxas
Mallumo tute nun.
Jen katet' miauxas.
En flava bril' de l’ lun'.
Mevoj havas en malhel'
Ne hejmon kiel mi.
Jen kantas steloj de l’ cxiel',
Kaj nun ekdormas mi.


{{tag>kanto litero_p norvega}}