====== Paso De L nokt ======
//Teksto kaj muziko de [[Grigorij AROSEV]], 16.11.97 02:55//

===== Teksto =====
Jam la dua. Flagras lastaj
Televidaj amuziloj.
Multas miloj, miloj, miloj
Da temperoj dise vastaj
Cxar
La dua nur.

Do - la tria. Jam postnukas
Infuzajxo el hororoj.
Rulaj horoj, horoj, horoj
Genuigas kaj edukas
Pri
La tria nur.

Kaj la kvina. Korva suno
Rampas, glitas sur tegmentojn.
Nuboj ventojn sercxas, ventojn,
Dronas nokto, krevas luno
Je
La kvina nur.

Elfotele, songxo-pele,
Sune, certe, ne dorminta
Ecx minuton tamen jarojn,
Halte cxe matena pur'...
Antaux mi tujtago vele
Uzas ventojn - punkto pinta
Dige inter tempajn marojn.
Mi vin trankviligas cxite,
Kiom estas nesongxite? -
Unu
nokto nur.
{{tag>litero_p kanto}}