====== Pensoj miaj, pensoj miaj ======

^Muziko|ukraina popolkanto|
^Teksto|T. Sxevcxenko|
^E-teksto|[[wpeo>K. Gusev]]|
^MIDI|{{:muziko:Pensoj_miaj_pensoj_miaj.mid}}|



===== Teksto =====
{{ :muziknotoj:Pensoj_miaj_pensoj_miaj.png}}



Pensoj miaj, pensoj miaj,
Ve' kun tiaj, vere!
Kial vi en sombraj vicoj
Staras surpapere?
Kial vento vin ne blovis
Polve en la stepon,
Ne fordormis la malgxojo
Kiel panjo bebon?

Pensoj miaj, pensoj miaj,
Filoj, floroj lastaj,
Mi vin gardis, mi vin vartis
En la kampoj vastaj
Iru, filoj miaj, hejmen,
Al Ukrainio,
Sed mi orfe en fremdujo
Velkos je nenio.

Hejme trovos vi amikajn
Vortojn, bonan koron,
Tie fine trovos veron
Kaj ecx, eble, gloron...
Do karesu, mia kara
Tero Ukraina,
Miajn filojn senprudentajn
Per la man' patrina!


{{tag>kanto litero_p ukraina popola notoj midi}}