====== Por vi, por vi ======

^Teksto|[[christian sedant]]|
^Muziko|[[jxak le puil]]|
^E-teksto|[[george lagrangx']]|
^Kantas|[[jxak le puil]]|

===== Teksto =====

Se deziras nur vi,
Mi perfortos la tempon,
Vintron kaj ecx printempon
Ke rugxigxos Karina
Karin' la stratulin'
Por vi, por vi.

Se deziras nur vi,
Mi perfortos la sunon,
La cxielon, la lunon;
Supre mi nokton sxtelos
Tagon kaj bluajn stelojn,
Por vi, por vi.

Se deziras nur vi,
Prenos mi el cxielo
Garbojn da hirundetoj
Birdojn mil en bukedoj
Kaj flugilojn angxelajn,
Por vi, por vi.

Se deziras nur vi,
Trinkos mi el botelo
Vinon kaj hidromelon
En drinkej' de haveno
Gxis ebria mateno,
Por vi, por vi.

Se deziras nur vi,
Mi forperdos memoron,
Cedos for mian koron,
Mi forgesos pri belo,
Kaj infanaj fabeloj
Por vi, por vi.

Se deziras nur vi
Mi ecx perdos la vocxon
Blinda, surda kantisto,
Ignorante flatistojn
Falos mi en dibocxon,
Por vi, por vi.

Se deziras nur vi
Spertos mi ridon mokan
De am' nur ununokta,
Tretos mi lastajn sxtupojn
Kaj mi mortos en suboj,
Por vi, por vi.
Por vi, por vi.

{{tag>kanto litero_p kasedo franca}}