====== Pri l’Begineto ======

^Teksto|W. Van der BIEST|
^Muziko|M. MATHIJSSENSS|
^E-teksto|[[Juul KARNAS]]|

===== Teksto =====


Ja, al mi placxas pli ol fest’
La granda Di-favor’;
Konvenas nur plej simpla vest’
Al mia pia kor’!
Kiam rigardas oni min,
Mi ofte timas tre…
Lauxdire estas mi begin’,
Sed tio estas ne!

Hieraux, post la sankta ben’,
Alvenis juna vir’;
Benitan akvon li sen gxen’
Oferis kun admir’.
Li petis — estis ja najbar’
Lauxiri sama voj’.
Cxu do bigota mia far’?
Akceptis mi kun gxoj’.

Parolis li pri la veter’,
Pri l’suna arda flam’…
Sed tuj timigis min l’ofer’
De lia kora am’:
Delonge jam li amas min
Kun granda simpati’…
Sed laux li estus mi begin’,
Ne tion dirus li!

Subite tiam sentauxgul’,
Sen mia antauxsci’,
Sur busx’ min kisis sen skrupul’,
Kaj… donis kison mi.
Post kis’ unua, laux memor’,
Ni ofte kisis nin…
Ne batas do begina kor’
En mia juna sin’.

La pastro ridis cxe l’altar’
Pri nia peka tent’,
Kaj estis nia pentofar’
L’ edzigxosakrament’!
Nu, antaux la finigx’ de l’jar’,
Ni montros ja al vi,
Ke vivas la bigota par’
En bela harmoni’!


{{tag>kanto litero_p flandra}}