====== printempa kanzono ======

^Teksto|[[wpeo>jo-petro danvy|jopetro danvi']]|
^Muziko|[[wpeo>Giulio Cappa|gx. kapa]]|
^Kantas|[[wpeo>gianfranco molle|ĝ. mole]]|

la sesdekoka: cxu decida jaro?
memoroj pri la sesdekoka, revoj pri la sepdekoka, okdekoka...


===== Teksto =====

estis antaux majo sesdekoka,
knabinetoj sagxe trinkis "koka"
kaj atente legis magazinojn
ne furoris cxie la blugxinoj.

gape lernis mi en gimnazio
kaj min lulis dolcxe iluzioj.
min amuzis tute dum vesper'
la klaketoj lumaj de l' fliper'.

profesoroj tute seriozaj
monologis per vakuoj frazaj
kaj enuo regis sen insido
super revoj foraj de rapido.

kaj subite, iun tagon sunan,
venis brue al ni movinklino.
sunis, estis fine de l' trankvilo
sunis, estis fino de aprilo.

per flugiloj de l' facila vento,
vigle aljxetitajn de studento
sxtonojn kubajn por C.R.S. ...
tuj varmigxis la etoso.

cxiunokte, cxiutage,
stratoj igxis kracxo sage,
retrovigxis la rapido,
klacxe blekis televido.

en parizo iris forta voko
malgraux sxlima stulta moko,
junaj ridoj per malfermaj busxoj
forfugxigis la maljunajn musxojn.

generalo, pro abrupta sveno,
ekrifugxis en baden-badeno.
la antikva krio al la bono
mugxe disradiis en sorbono.

sed alvenis fine en junio
(io juna - etimologio!)
la finrevo pro la suna palo.
estis plena cxiu hospitalo.

iluzioj en la posxoj, kasxe,
kaj amara busxodoro macxe,
tempo kuras laux horlogxo trista;
koro batas laux inklino brusta.

jam dek jaroj fugxis pauxte
kaj esperoj kasxe, hauxte.
ne plu videblas la pavimo,
cxie gxin superas la bitumo.

turoj konstruigxas kamizole
amasigxas homoj laux-tavole.
en la lando regas strangaj voloj,
devas cxiuj Vivi en skatoloj.

sed revenas voke la cifer'
(cxu memoro ruza pri fliper'?)
de cxi-deko estas jaro oka.
nombroj vokas urgxe. cxu provoka?


{{tag>kanto litero_p kasedo}}