====== Radio Verda ======
//Teksto de Vladimir Sapojxnikov, traduko de Jelena Zaznobina, muziko de Sergej Mihxajlin//

===== Teksto =====
Enigme eksusuras apudborda ond',
Gitaro spiras cxe la fajro lasta.
Hodiaux adiauxas ni cxe mara bord'.
Ne povas adiauxon mi prokrasti.

//Refreno://
>Radio verda de la sunsubiro.
>Tra pluvaj nuboj glitis gxi hazarde.
>La verdan stelon tralumis mire
>Surfajra flamo, kiu brulas arde.

Al mi vi diru ion gxisrevidan.
Ne renkontigxos ni dum tuta jaro.
Kaj ne rigardu min vi kun sopiro.
Gxis novaj revoj - nepre en tendaro.

>//Refreno//

Ne tristu kamarad' gxis renkontigxo.
Salutoj, adiauxoj kune estas.
Ne povas homoj vivi sen disigxoj.
Ne povas ili sen amikoj resti.

>//Refreno//

Mi volas vivi kun amikoj miaj -
Esperantistoj miaj verdastelaj.
Kaj trinkas mi pro amikeco tia,
Kiu kunigos nepre nin, fidelajn.

>//Refreno//

Rebriloj de la fajro balancigxas
Sur foliaro verda kaj tenera.
Vespero lasta baldaux jam finigxos,
Sed restos niaj steloj kaj esperoj.

>//Refreno//
{{tag>litero_r kanto}}