====== La Ranetoj ======

^Muziko|[[Jxomart kaj Natasxa|Ĵomart Amzeev]]|
^Esperanta teksto|[[Jxomart kaj Natasxa|Ĵomart Amzeev]]|
^Esperanta plenumo|[[Jxomart kaj Natasxa|Ĵomart Amzeev]]|

===== Teksto =====

Longe, longe, for al nordo 
En la sveda ĉefa marĉo 
Loĝas ĝoja popoleto - la Ranetoj. 
 Ili ŝatas renkontiĝi 
Kaj babili pri vojaĝoj 
En malseka loko ie, familie. 
 
Por aspekti pli seriozaj  
Multaj portas okulvitroj 
Kaj kapjesas kun mienoj signifplenaj. 
 Ofte flaras ili florojn
Kaj okulojn duonfermas 
Ĝuas ili tiel forte - preskaŭ mortas. 
 
//Refreno://
> Kiam suno malaperas  
> Kiam pluvas dematene 
> Ili la ombrelojn prenas  
> Kaj promenas. 

Kaj vespere en la saŭno 
Ili sidas kun biero 
Revas pri aliaj marĉoj, pri vojaĝoj. 
 Kaj muzikon ili ŝatas 
Kelkaj eĉ gitaron ludas 
Kvakas ili tiom kore, ĉiuj ploras. 

//Refreno://
> Eĉ gazeton ili havas  
> Belan kva- kva- kvak- folion 
> Temo estas ĉiam sama  
> Nur pri amo!

Jes, rapide tempo kuras 
Tag' post tago, jar' post jaro 
Kelkaj iĝis veteranoj, saĝaj ranoj!
 Ankaŭ mi ĉe ili estis  
Kaj mi povas rekte diri 
Ŝatas mi la muzeletojn de l'ranetoj! 

//Refreno://
> Kiam suno malaperas  
> Kiam pluvas dematene 
> Ili la ombrelojn prenas  
> Kaj promenas.

{{tag>kanto litero_r}}