====== Rejnlanda knabino ======

^Esperanta teksto|[[Jan Van SCHOOR]]|
^Tipo|traduko|
^Originala titolo|Ein Rheinisches Mädchen...|

===== Teksto =====


Lauxlonge de la Rejno mi
migradis ofte dum somero;
nenie trovi povas vi
pli belan lokon sur la tero.
Je la honor' de tiu land'
resonu mia gxoja kant':
Rejnlanda knabino, cxe rejnlanda vin',
cxielo sur tero — mi nomas gxin!

Kaj kaptis min per sia bel'
knabino kun pasia forto,
ravita per sxia fidel'
mi kantis cxe la Rejnobordo
— cxe bela, blonda la infan' —
kun glas' da vino en la man':
Rejnlanda knabino, cxe rejnlanda vin',
cxielo sur tero — mi nomas gxin!

Kun funebranta, peza kor',
de tie fine mi foriris;
kaj turmentata de dolor'
jam ofte reen mi sopiris,
al vi, ho rava Rejnoland',
dum en la koro flustris kant':
Rejnlanda knabino, cxe rejnlanda vin',
cxielo sur tero — mi nomas gxin.


{{tag>kanto litero_r germana}}