====== Rerigardo al la studenta tempo ======

^Esperanta teksto|[[Fr. SWAGERS]]|
^Tipo|traduko|
^Originala plenumo|O alte Burschenherrlichkeit!|

===== Teksto =====


Nun estas vi por cxiam for,
o bela studenteco.
Sed ne forgesas mia kor'
vin, tempo de gajeco.
Ne placxas studentcxapo
sur nia grava kapo!

//Refreno://
>O, bela studenteco,
o tempo de juneco!

Tre lertaj homoj gvidis min
en vivo kaj scienco;
mi studis lingvojn, kvar aux kvin,
kun nobla pacienco.
kelkfoje en studejo,
pli ofte en trinkejo. 

//Refreno//

Mi studis iom en maten',
neniam en vespero,
cxar tiam vokis min festen',
frauxlino aux biero.
Mi amis kaj trinkadis,
kun forto mi kantadis.

//Refreno//

Disiris fine l' amikar',
kun plenlernintaj kapoj,
kaj multaj kreskas en l' homar'
nun kiel dikaj napoj.
Jam estas profesoroj,
dentistoj aux doktoroj.

//Refreno//

Amikoj, rejunigu vin,
kantante tiun kanton;
anstataux lingvojn kvar aux kvin
nun lernu Esperanton.
Vi studentigxos ree,
vi felicxigxos tree.

//Refreno//

{{tag>kanto litero_r germana}}