====== rimini ======

^Muziko|fabricjo deandre' (Fabrizio de Andrè)|

noto:
estis tempo kiam filinoj de provincaj butikistoj kaj filoj de sxtatoficistoj opiniis ke ili estas sudamerikaj gerilanoj, profesiaj revoluciistoj kaj anoj de afrikaj liberigaj movadoj. la iluzio dauxris nur kelkajn jarojn. 
**rimini** estas tipa marborda urbeto konata pro amasturismo. 
**tereza** estas ina nomo kutima en italujo, ecx tro kutima kaj iom banala.

originala titolo: Rimini

===== Teksto =====

tereza sek-okule
gapas al la maro
por sxi, ido de piratoj,
estas klisxa faro
tereza silentemas
sxiaj lipoj skvamas
sxi montras al mi amon perditan
en rimini somere
sxi diras bruligita
far la sankta inkvizicio
eble perdita en //kubo//
dum la revolucio
aux en nov-jorka haveno
dum sorcxistin-cxasado
aux eble neni-loke
sed neniu sxin kredas

kaj //kolombo// sxin vokas
el sia portosegxo
sxi malsxosas liajn mancxenojn
kaj refaldas la lit-tukojn
«por malgxoja regx' kristana» li diras
«mi eltrovis regnon
kaj li disbucxis gxin
sur kruco el ligno
dufoje mi eraris
dufoje pro tro-sagxo
aborti amerikon
kaj gxin rigardi kun domagxo
sed vi, sed vi, la homoj
sub velo-horizontoj
ne donacu promeso-landojn
al ne-plenumontoj»

nun tereza el //harry’s bar//
gapas al la maro
pro sxi, ido de spicistoj,
estas klisxa faro
cxe la kolo pendas klingo
sxi maljunas jam jarcenton
mi pri sxi malmulton scias
sed versxajne sxi ne fias
«unufoje mi eraris» sxi diras
«unufoje pro tro-sagxo
aborti idon de strandgardisto
kaj gxin rigardi kun domagxo
sed vi, sed vi, en rimini
kun glaciajxoj kaj turistoj
neniam vi plu vetu
pri la ido de spicistoj»


{{tag>kanto litero_r kasedo}}