====== Ruĝa standardo ======

^Muziko|[[B. CZERWINSKI]]|
^Esperanta teksto|S. K.|
^Tipo|traduko|

===== Teksto =====

De sango nia fluas lago,
De larmoj niaj fluas gxi,
Sed venos tago de l’ repago,
/: Jugxistoj tiam estos ni! :/

//Rekantajxo://
>Kune do, sonu kant' de l’falang',
Standardo flirtas en fulm' mugxa
Kaj kun gxi nia vengx' per lavang'
De la estonto dank'.
Koloro gxia estas rugxa,
/: cxar sur gxi laborista sang' :/

Disfalis jam malnova ordo —
Por ni do estu gxi ekscit',
Laboros ni en la konkordo
/: Egala estos la profit'! :/

//Rekantajxo// 

Disigxas kun la nokto nuboj,
Kaduka jam malnova sxnur,
Malbono falos al la ruboj,
/: Eterne bono vivos nur! :/

//Rekantajxo// 

Do kune agu la frataro,
Kun sama penso man' cxe man' —
Haltigos nin nenia baro,
/: Nek ektimigos uragan'! :/

//Rekantajxo//

Malnobla baldaux mond' pereos,
For kun tiranoj kaj perfort'!
Ni mem la novan vivon kreos,
/: En kiu regos nova ord'! :/

//Rekantajxo// 


{{tag>kanto litero_r flandra laborista}}