====== Se Estus Mi Pentristo ======
//Muziko kaj vortoj de [[Jxomart kaj Natasxa|Jxormart Amzeev]]//

===== Teksto =====

Se estus mi pentristo
mi pentrus ne pejzagxon, 
sed vian nur vizagxon 
kaj estus mi persista. 
 
Se mi komponus kantojn 
do, komponajxon cxiun 
nur al la nomo via 
dedicxus mi konstante. 
 
//Refreno://
>Sed, homo ordinara 
>mi estas en la vivo. 
>Kaj kredas mi naive 
>ke vi min amas kara. 
 
Teneron mi enmetus 
De tuta mia koro 
en versojn pri amoro 
Se estus mi poeto. 
 
Se estus mi pentristo 
mi pentrus ne pejzagxon, 
sed vian nur vizagxon 
kaj estus mi persista. 
 
>//Refreno//

{{tag>litero_s kanto}}