====== Staĥ ======

^Muziko|M. KONOPNICKA|


===== Teksto =====


Kiam iris regx' militon,
Ludis trumpetar' eksciton,
Ludis trumpetar' el oro
Por la venko, por fervoro!

Kiam iris Stahx batalon,
Bruis fontoj vek-signalon,
Bruis de la spikoj spiro
Por malbona sort' sopiro…

Kugloj trancxas la aeron,
Per kadavroj sternas teron,
Regxoj brave jen batalas —
Vilagxanoj dense falas!

Flirtas vente regxa flago
Knaras ie kruco voja…
Stahxon vundis morta sago,
Regxo — hejmrevenas gxoja.

Regxon en pordego ora
Eksalutis bril' auxrora;
Sonoriloj eksonoris,
La venkinton lauxte gloris.

Kiam Stahxon tero prenis,
En la kampo vent' orgenis,
Plende kantis la tremoloj,
Sonoretis — kampanoloj.

{{tag>kanto litero_s pola popola}}