====== Sub la ponto ======

^Teksto|[[Martin WIESE]]|
^Muziko|[[Martin WIESE]]|
^Kantas|[[Martin & la talpoj]]|

===== Teksto =====
Saluton kara, estas mi
Ĉu vi ankoraŭ estas veka?
Mi sidas sola tie ĉi
Duono post la deka
Ĉiam mi scivolas pri
Via vivrakonto
Venu kaj mi montros al vi
La trinkejon sub la ponto

>//Refreno//
>Da ĝojo kaj melankoli'
>Mi volas pli, mi volas pli
>Da varmaj noktoj de juli'
>Mi volas pli, mi volas pli

Vi regalu per rakont'
Mi regalos per biero
Kaj ni trinkos el la font'
De inspiro kaj de klero
Kun ĉio kvazaŭ halucin'
En la nokto brila
Ni por momento trompos nin
Ke la viv' estas facila

>//Refreno//

Venu kara por renkont'
Dum la noktoj helas
En la trinkejo sub la pont'
La vivo belas

>//Refreno//

Saluton kara, estas mi
Ĉu vi ankoraŭ estas veka?

===== Eksteraj ligiloj =====
* [[https://soundcloud.com/martin-wiese-2/sub-la-ponto-kruda-mikso|Plena kanto]] ĉe SoundCloud (kruda mikso)

{{tag>kanto litero_s}}