====== Super ĉio la ideo ======

^Muziko|[[E. Windeballe]]|
^Esperanta teksto|[[Teo Jung]]|
^Tipo|nova teksto|

===== Teksto =====


Pasas, venas la jarcentoj.
Mortas, renaskigxas gentoj.
Gxoj' alternas kun doloro,
ridon sekvas larmo, ploro.
Sed tra gxojo kaj tra veo,
tra pereo
kaj rekreo
venke lumas la Ideo.

Cxu ekpalas sun' kaj steloj,
cxu disfalas mond' cxieloj,
kaj rikanas la infero, —
aux sin levas nova Ero
al sublima apogeo:
Glore restas
kaj majestas
super cxio la Ideo.

Pro l’ Ideo ni fervoras,
pro gxi luktas kaj laboras;
pro l’ Ideo ni suferas
kaj serene nin oferas.
Sed ne pro la venktrofeo,
ne pro oro,
ne pro gloro:
Sole nur pro la Ideo.

Iam brila tag' naskigxos:
Venke nia ag' kronigxos;
sin komprenos la homaro
kaj kunvenos cxe l’  altaro
de tutmonda jxamboreo,
manifesti,
kune festi
la triumfon de l’ Ideo.


{{tag>kanto litero_s esperanto}}